政府嘅第二期消費券，已經喺2022年8月7日發放第一批款項，有效期去到2023年2月28日。而我地【平凡文化】亦增設咗三種可使用消費券嘅付方式：分別係八達通、PayMe和Tap & Go(拍住賞)，我地會喺下面詳細解釋三種付款方式。
1. 八達通
作為港人最平常會用到嘅付款方式，我地又點會唔支援八達通呢？如果你想係我地網店用八達通俾錢，首先你要有一部裝左八達通 app又支援 NFC嘅手機或者tablet。喺購物車頁面「付款方式」一欄揀「二維碼付款」。落咗單後，你會見到一個畀錢用嘅QR code，用八達通 app scan嗰個QR code，輸入正確銀碼同埋喺備註欄填返個訂單編號。喺確認付款時，你可以揀用拍張八達通卡落電手機／tablet度，或者喺八達通錢包(wallet) 裏面扣錢。不過要用消費券，咁就梗係拍張有消費券嘅八達通卡黎畀錢啦。
2. PayMe by HSBC
雖然PayMe好多人用，但我諗大家都係用嚟夾錢食飯多。但既然係今round消費券計劃嘅新貴，我地又點會漏左PayMe呢？
要用PayMe找數好簡單，喺購物車頁面「付款方式」一欄揀「二維碼付款」。落咗單後，你會見到一個畀錢用嘅QR code，㩒PayMe 右上角個scan掣scan嗰個QR code，輸入正確銀碼，同埋喺信息欄填返個訂單編號就OK。
你地放心，我地個PayMe係商用版，唔係個人版，係用到消費券架。
3. Tap & Go 拍住賞
小編聽講好多人唔想某張黨鐵卡獨大，所以喺係上年發放消費券時揀左Tap & Go，我地網店都支援Tap & Go。當然你可以用Tap & Go張mastercard透過信用卡渠道買嘢，但我地就會俾多左手續費銀行同卡公司。作為一間小店，我地希望你地可以直接用Tap & Go App嚟畀錢。
「吓，乜可以用Tap & Go App嚟畀錢架咩？」你或者會咁問，等小編教下你啦：
- 打開左Tap & Go App
- 㩒最頂嗰「政府消費券」
- 揀「二維碼支付」
- scan或者滙入畀錢用嘅QR code
- 揀喺Mastercard戶口定銀聯戶口裏面中扣錢除款項。
至於我地仲會唔會增加其他消費券支援嘅付款方式，我地公司會再度度，如果有消息會盡快同大家公佈。
