每年嘅12月3日都係聯合國所定嘅「國際身心障礙者日」（International Day of Persons with Disabilities）。「身心障礙」係乜黎㗎？其實就係某國用語常用的「殘疾人」。
但日本和台灣常用「障礙者／障害者」取代「殘疾」，事實上「殘」和「疾」兩個字都帶有負面意思。【平凡文化】覺得佢哋只喺身、心、靈嘅成長路上遇到比我哋多嘅的障礙，但佢哋同我哋一樣都有同等權利同完整人性。
國際身心障礙者日係聯合國紀念活動之一。喺1992年10月16日舉行嘅第47屆聯合國大會通過決議，確定自1992年起每年嘅12月3日為國際身心障礙者日。2006年《身心障礙者權利公約》（The Convention on the Rights of Persons with Disabilities，縮寫為CRPD）由聯合國第61/106號決議通過，並喺2008正式生效，希望能夠「促進、保護和確保實現身心障礙者所有人權和基本自由充分、平等享有，並促進對身心障礙者固有尊嚴的尊重。」截至2022年5月6日共有164個締約國，中華人民共和國係其中一個締約國，而公約亦適用於香港同澳門兩個特別行政區。
喺香港，我哋有《殘疾歧視條例》（香港法例487章）。根據平等機會委員會網站資料，《殘疾歧視條例》將任何在訂明活動範疇內基於某人嘅殘疾而作出嘅歧視作為定為違法。訂明活動範疇包括：
- 僱傭
- 教育
- 貨品、服務及／或設施的提供
- 進出處所
- 處所的處置及／或管理
- 會社及體育活動的參與
- 政府的活動
《殘疾歧視條例》嘅保障範圍亦都涵蓋：
- 與殘疾人士有聯繫的人士，或因殘疾而需要傳譯員、閲讀者、助理人員或照料者陪同提供服務的人士。某人的「有聯繫人士」包括該人的配偶、親屬、照料者、與該人在家庭基礎上共同生活的人，或與該人有業務、體育或消閒關係的人。
- 任何人的殘疾的歧視。任何人如基於錯誤假設另一人有殘疾而作出歧視或騷擾行為，即屬違法。
法例雖然禁止我哋對身心障礙者作出歧視，但最重要係我哋本身要有包容心態，唔好覺得身心障礙者就係「殘廢」。事實上，「殘而不廢」先係實況，分分鐘身心障礙者對社會嘅貢可能比所謂「正常人」更多。
雖然我哋【平凡文化】只係一間蚊型公司，但我哋好想公司為社會帶嚟impact，因此我哋搵左匡智會幫手，推出自家嘅品牌產品，包括手工梘同掛耳咖啡，俾住兩幅圖大家睇下先。手工梘即將開放預訂，而掛耳咖啡嘅訂購詳情會遲啲公佈！
匡智會本著「匡扶智障」的精神，竭誠為智障人士及他們的家庭提供優質教育、適切的培訓及其他賦權的機會，使其得以發展。自1999年起，匡智社會企業部透過開辦不同類型自負盈虧的社會企業項目，致力提供多元化的工作機會，讓智障學員在真實的工作環境中接受在職培訓。
今日除左係國際身心障礙者日，亦都係基督宗教記念聖者方濟‧沙勿略（St. Francis Xavier）嘅日子。
聖方濟‧沙勿略（1506 年-1552 年） 為耶穌會士，被羅馬天主教會列為傳教主保（即傳教事業的守護聖者）。聖方濟‧沙勿略嘅心志十分火熱 ，並於 1541 年（明朝嘉靖年間）先到印度果阿（當時天主嘅傳教基地），預備去遠東傳教。但由於明朝嘅鎖國政策，佢無辦法進入中國，所以先到日本嘅鹿兒島向日本人傳福音。成為咗將基督宗教傳入日本嘅先驅。
因為他去中國嘅心從未減退，輾轉返到馬六甲同果阿後，不顧葡萄牙政府嘅反對同阻撓，再次預備啟程前往中國。1552 年佢搭船到達廣東台山對開嘅上川島打算前往廣州，但係就得咗熱病，最後於同年 12 月 3 日喺上川島病逝。雖然壯志未酬，但聖方濟‧沙勿略嘅異象，就燃點左依一年出世嘅利瑪竇，使中國再一次接觸到西方嘅文化。
https://m.mingpao.com/pns/%e4%b8%ad%e5%9c%8b/article/20161201/s00013/1480529014845/%e6%b1%9f%e9%96%80%e6%96%b9%e6%bf%9f%e5%90%84%e5%a2%93%e5%9c%92%e9%96%89%e9%96%80%e4%bf%ae%e8%91%ba
方濟各墓園位於廣東省台山巿上川島三洲港嘅北面山丘，係一座帶有歐洲風格同濃厚宗教色彩嘅墓地，歷經400多年名勝古蹟，亦係著名朝聖地之一。
